Մի թենիսիստուհի հավերժ փոխել է թենիսի էությունը. Ռոջեր Ֆեդերեր
Աջակցիր «Ա1+»-ինՇվեյցարացի անվանի թենիսիստ, «Մեծ սաղավարտի» 20-ակի հաղթող Ռոջեր Ֆեդերերը անվանել է այն մարզիկի անունը, որն, ըստ նրա, մեծ ազդեցություն է թողել թենիսի զարգացման վրա:
«Մի թենիսիստուհի հավերժ փոխել է թենիսի էությունը: Իհարկե, խոսքը վերաբերում է Մարտինա Նավրատիլովային ու նրա խաղին ցանցի մոտ: Այն ժամանակ կանանց և տղամարդկանց թենիսը շատ նման էին իրար:
Դիտեք Բյորն Բորգի, Գիլյերմո Վիլասի կամ Քրիս Էվերտի խաղին: Նրանք անընդհատ ետին գծում վազում են անկյունից անկյուն: Իսկ հետո հայտնվում է Նավրատիլովան, որն գնդակի յուրաքանչյուր խաղարկումից հետո վազում էր ցանցի մոտ:
Բոլորը զարմացած ասում էին, «Այո, նա ավելի շատ է աշխատում», - անվանի թենիսիստի խոսքերը մեջբերել է Tennis World USA կայքը:
Նշենք, որ Չեխոսլովակիան ներկայացնող թենիսիստուհին, որը հետագայում տեղափոխվել էր ԱՄՆ, 18 անգամ հաղթել է «Մեծ սաղավարտի» մրցումներում: