«Բավարիան» կրկին ջախջախեց «Բարսելոնային», Մյուլլերը գոլ խփեց, իսկ Ռոնալդուն կրկնեց ռեկորդը. ՉԼ
Աջակցիր «Ա1+»-ինՈՒԵՖԱ-ի չեմպիոնների լիգայում կայացան խմբային փուլի 1-ին տուրի հանդիպումները:
Մյունխենի «Բավարիան», որը մեկ տարի առաջ Բարսելոնայում 8:2 հաշվով ջախջախել էր համանուն ակումբին, այս անգամ նույն մրցակցի հետ խաղում բավարարվեց անպատասխան խփած երեք գոլով: Դրանցից մեկը հեղինակեց թիմի կիսապաշտպան Թոմաս Մյուլլերը, որը շարունակում է մնալ կատալոնյան ակումբի դարպասը բոլորից շատ գոլ խփած ֆուտբոլիստ: Նա իսպանական թիմի դեմ անկացրած 6 խաղում դարձել է 7 գնդակի հեղինակ: Այդ ցուցանիշով երկրորդ տեղում ուկրաինացի Անդրեյ Շևչենկոն է, որը 11 խաղում «Բարսելոնայի» դարպասը գրավել է ընդամենը 5 անգամ:
Կատալոնյան ակումբը նաև կրկնել է իր երկու հակառեկորդները: Թիմը երկրորդ անգամ ամբողջ խաղի ընթացքում չի կարողացել ուղիղ հարված կատարել մրցակցի դարպասին, բացի այդ 1997 թվականից հետո առաջին անգամ պարտությունով է մեկնարկել չեմպիոնների լիգան:
Անգլիական «Մանչեսթեր Յունայթեդը» առաջին խաղում անսպասելի պարտվեց շվեյցարական «Յանգ Բոյզին»` 1:2, ընդ որում հաղթողները վճռորոշ գոլը խփել են 90+5 րոպեին, մանչեսթրցիների ֆուտբոլիստի անհաշվենկատ փոխանցումից հետո: Սակայն, «կարմիր սատանաների» հարձակվող Քրիշտիանու Ռոնալդուն հերթական անհատական նվաճման է հասել: Պորտուգալացի ֆուտբոլիստը չեմպիոնների լիգայում անցկացրած խաղերի քանակով հավասարվել է ռեկորդակիր, իսպանացի դարպասապահ Իկեր Կասիլյասին: Այժմ երկուսն էլ ունեն 177-ական հանդիպում:
Այս տուրում ուշագրավ ռեկորդ է սահմանել բելառուսցի Ալեքսեյ Կուլբակովը: Նա «Սևիլյա» - «Զալցբուրգ» խաղի առաջին կեսում 11 մետրանոց 4 հարված է նշանակել, ընդ որում երեքը դաշտի տերերի դարպասին, սակայն կողմերն իրացրել են մեկական հարված: Հյուրերի կազմում բոլոր երեք 11 մետրանոցները վաստակել է 19-ամյա գերմանացի ֆուտբոլիստ Քարիմ Ադեյեմին:
Այսօր կկայանան 1-ին տուրի մնացած 8 հանդիպումները:
Չեմպիոնների լիգա
Խմբային փուլ
1-ին տուր
14 սեպտեմբերի
E խումբ
«Բարսելոնա» - «Բավարիա»` 0:3
«Դինամո» Կիև - «Բենֆիկա»` 0:0
F խումբ
«Յանգ Բոյզ» - «Մանչեսթեր Յունայթեդ»` 2:1
«Վիլյառեալ» - «Ատալանտա»` 2:2
G խումբ
«Սևիլյա» - «Զալցբուրգ»` 1:1
«Լիլ» - «Վոլֆսբուրգ»` 0:0
H խումբ
«Չելսի» - «Զենիթ»` 1:0
«Մալմյո» - «Յուվենթուս»` 0:3
Այսօր կկայանան հետևյալ հանդիպումները.
A խումբ
«Մանչեսթեր Սիթի» - «Լայպցիգ»
«Բրյուգե» - «ՊՍԺ»
B խումբ
«Լիվերպուլ» - «Միլան»
«Աթլետիկո» - «Պորտու»
C խումբ
«Բեշիկթաշ» - «Բորուսիա» Դորտմունդ
«Սպորտինգ» - «Այաքս»
D խումբ
«Ինտեր» - «Ռեալ»
«Շերիֆ» - «Շախտյոր»