A
A
Ալեքսան Ավետիսյանը հրաժարական տվեց
Այսօր «Արմենիա-Մարիոթ» հյուրանոցում կայացած Հայաստանի ձյուդոյի ֆեդերացիայի արտահերթ համաժողովում ֆեդերացիայի նախագահ Ալեքսան Ավետիսյանը վայր դրեց իր լիազորությունները:
Համաժողովի աշխատանքներին մասնակցած Հայաստանի ազգային օլիմպիական կոմիտեի նախագահ Գագիկ Ծառուկյանը եւ ձյուդոյի միջազգային ֆեդերացիայի նախագահ Մարիուս Վիզերը համատեղ որոշեցին այդ պարտականությունները ժամանակավորապես վստահել վերջինիս կողմից նշանակված արտասահմանցի մասնագետին: Այդ ընթացքում ՀՁՖ-ի գործկոմի անդամները պետք է կողմնորոշվեն նոր նախագահի թեկնածության հարցում եւ որոշեն հաջորդ արտահերթ համաժողովի անցկացման օրը:
Հավելենք, որ Ալեքսան Ավետիսյանը մնում է սպորտում: ՀԱՕԿ-ի նախագահ Գագիկ Ծառուկյանը նրան նշանակել է այդ կազմակերպության փոխնախագահ:
