Պարեկային ծառայության աշխատակիցը կանխել է երիտասարդ աղջկա ինքնասպանության փորձը․ shamshyan.com
Աջակցիր «Ա1+»-ինshamshyan.com-ի տեղեկություններով, այսօր՝ օգոստոսի 30-ին, կեսգիշերն անց, ժամը 01։30-ի սահմաններում երիտասարդ մի աղջիկ Հաղթանակ կամրջից փորձել է իրեն ցած նետել։ Այդ պահին նշված վայրով անցնելիս է եղել ՀՀ ոստիկանության պարեկային ծառայության Երևանի գնդի 1-ին գումարտակի 1-ին վաշտի հրամանատար Հարություն Գրիգորյանը, ում ծառայողական ավտոմեքենան քաղաքացիները տեսնելով՝ կանգնեցրել են և հայտնել այդ դեպքի մասին։
Հ. Գրիգորյանը, մոտենալով այդ աղջկան, կարողացել է հոգեբանական ճիշտ զրույցի արդյունքում համոզել, որպեսզի նա չդիմի ծայրահեղ այդ քայլին, որից հետո քաղաքացիների հետ համատեղ այդ աղջկան դուրս են բերել կամրջի վտանգավոր եզրագծից, ապա տեղափոխել ոստիկանության կենտրոնական բաժին։ Այդ աղջիկը Երևանի բնակիչ Ա. Մ-ն է, ով անձնական խնդիրների պատճառով է փորձել ինքնասպան լինել։ Մանրամասները՝ սկզբնաղբյուրում։
