Հրազդանի ոստիկանները երիտասարդներին բռնեցին խուլիգանություն անելիս

Հուլիսի 2-ին, ժամը 03.10-ի սահմաններում, ոստիկանության Հրազդանի բաժնի ծառայողները Սահմանադրության հրապարակում շրջագայություն կատարելիս նկատել են 2 երիտասարդի, որոնցից մեկը ատրճանակից կրակում էր մայթեզրին դրված ապակյա շշերի ուղղությամբ: Այս մասին տեղեկացնում է ՀՀ Ոստիկանությունը։

Նրանք բերման են ենթարկվել ոստիկանության Հրազդանի բաժին։ Կրակոց արձակած 19-ամյա երիտասարդը ոստիկաններին ներկայացրել է «Մակարով» գրառմամբ 4.5 մմ տրամաչափի օդաճնշիչ ատրճանակ:

Բերման ենթարկվածները տվել են բացատրություններ։

Կատարվում է քննություն։