Բելգիան կամային հաղթանակ տարավ և ժամանակից շուտ փլեյ-օֆֆի ուղեգիր նվաճեց. Եվրո-2020
Աջակցիր «Ա1+»-ինՖուտբոլի Բելգիայի հավաքականը նվաճեց Եվրոպայի 2020թ առաջնության փլեյ-օֆֆի ուղեգիր: Դա պարզ դարձավ այսօր 2-րդ տուրի շրջանակում կայացած Դանիա – Բելգիա խաղից հետո:
Բելգիացիները չնայած առաջինը գոլ բաց թողեցին, սակայն հետո երկու գնդակ ուղարկեցին դաշտի տերերի դարպասը և կամային հաղթանակ տարան` 2:1: Վճռորոշ գոլը 70-րդ րոպեին հեղինակեց փոխարինման մտած Կևին Դե Բրյունեն:
Բելգիայի հավաքականը վաստակեց 6 միավոր և կրկին գլխավորեց B խմբի աղյուսակը: Անկախ վերջին տուրի խաղերի արդյունքներից, բելգիացիները ժամանակից շուտ ապահովեցին իրենց տեղը 1/8 եզրափակիչում:
Դանիայի հավաքականը երկրորդ պարտությունը կրեց և էլ ավելի բարդացրեց փլեյ-օֆֆ մտնելու հնարավորությունները:
Խաղի վիճակագրություն
Դանիա - Բելգիա
47 % - Գնդակի տիրապետում - 53 %
22 - Հարվածներ - 6
18 - Խախտումներ - 9
2 - Անկյունայիններ - 4
2 - Խաղից դուրս - 2