Բացել լրահոսը Փակել լրահոսը
A A
Պաշտոնական

Ռոմանոս Մելիքյանի փողոցում բռնկված հրդեհը մարվել է (տեսանյութ)

Մայիսի 19-ին, ժամը 18։09-ին Ճգնաժամային կառավարման ազգային կենտրոն ահազանգ է ստացվել, որ Երևանի Ռոմանոս Մելիքյանի փողոցում գտնվող տներից մեկին հարակից փայտե արհեստանոցում հրդեհ է բռնկվել։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։

Հայտարարվել է հրդեհի բարդության «1 ԲԻՍ» կանչ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից ևս երկու մարտական հաշվարկ, Հոգեբանական աջակցության բաժնի հերթապահ հոգեբանը, Ճգնաժամային կառավարման ազգային կենտրոնի օպերատիվ խումբը, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման վարչության հերթապահ խմբերը։

Հրդեհը մեկուսացվել է ժամը 18։42-ին, մարվել՝ 19։01-ին։ Այրվել են շինության տանիքի փայտե կառուցատարրերը (60 քմ), կուտակած թեփ և տախտակ, փայտամշակման համար նախատեսված գործիքներ։