Բացել լրահոսը Փակել լրահոսը
A A
Պաշտոնական

ՀՀ-ն որևէ կերպ չի հանդուրժի ստեղծված իրավիճակը․ ԱԺ հայտարարություն (տեսանյութ)

Ազգային ժողովում մեկնարկել է արտահերթ նիստ՝ սահմանամերձ գոտիներում՝ Սյունիքում , Վարդենիսում, Վայոց ձորում  ստեղծված իրավիճակը քննարկելու նպատակով։

Նիստը նախաձեռնել են Ազգային ժողովի ԲՀԿ խմբակցության պատգամավորները։

Նիստին հրավիրված էին նաև ԱԱԾ-ի, ՊՆ-ի, ԱԳՆ-ի, ԳՇ-ի և պատասխանատու այլ գերատաեսչութունների ներկայացուցիչներ, սակայն այս պահին նիստին ներկա է միայն արտաքին գործերի փոխնախարարը։

Արման Աբովյանը անկախ պատգամավոր Թագուհի Թովմասյանի հարցին ի պատասխան հայտնեց, որ տեղյակ չէ՝ ինչու չեն ներկայացել հրավիրված անձինք։

ԱԺ փոխխոսնակ Ալեն Սիմոնյանն էլ չբացառեց, որ հընթացս կներկայանան հրավիրյալները։

ԲՀԿ պատգամավոր Արման Աբովյանը ներկայացրեց հայտարարություն, որով ՀՀ ԱԺ-ն խստագույնս դատապարտում է ՀՀ տարածքային ամբողջականության նկատմամբ ոտնձգությունը և որ Ադրբեջանական զինուժի այս գործողությունները անընդունելի  են ՀՀ-ի համար․

«ՀՀ ԱԺ-ն արձանագրում է, որ 2021 թվականի մայիսի 12-ին Սյունիքի մարզի Սև լիճ տարածքի ուղղությամբ Ադրբեջանի զինուժը իբր սահմանների ճշգրտման պատրավակով ներթափանցել է ՀՀ տարածք՝ խորանալով մի քանի կիլոմետր դեպի Վերիշեն բնակավայր։ Ադրբեջանական զինուժի մի քանի հարյուր ներկայացուցիչներ այս պահին գտնվում են ՀՀ տարածքում՝ Սյունիքի և Գեղարքունիքի մարզերի որոշ հատվածներում»։

Աբովյանը պնդեց՝ ՀՀ-ն որևէ կերպ չի հանդուրժի ստեղծված իրավիճակը․

«Ադրբեջանի կողմից վարվող ագրեսիվ քաղաքականությունը խախտում է ՄԱԿ-ի կանոնադրությամբ ամրագրված միջազգային հիմնարար սկզբունքները, ինչը ՀՀ-ին իրավունք է վերապահում իրականացնել միջազգային իրավունքով, ՀՀ սահմանադրությամբ և օրենսդրությամբ նախատեսված համարժեք գործողություններ։ ԱԺ-ն հայտարարում է, որ ձեռնարկվելու են վճռական կոշտ գործողություններ, Ադրբեջանի ռազմական ագրեսիան կասեցնելու և ՀՀ ժողովորդին և ինքնիշխան տարածքը պահպանելու նպատակով։

Աբովյանը կոչ արեց միջազգային հանրությանը դատապարտել Ադրբեջանի սադրանքը՝ ՀՀ ինքնիշխան տարածքի հանդեպ։