Ռուս խաղաղապահները Մարտակերտի գյուղի դպրոցում «ժողովուրդների բարեկամություն՝ առանց սահմանների » լուսավորչական ակցիա են իրականացրել
Աջակցիր «Ա1+»-ինԱյս հաղորդագրությունը տարածել է Ռուսաստանի ՊՆ-ն․
Լեռնային Ղարաբաղի ռուսական խաղաղապահ զորախմբի զինծառայողները Մարտակերտի շրջանի Հաթերք գյուղի միջնակարգ դպրոցում անցկացրել են «ժողովուրդների բարեկամություն՝ առանց սահմանների » լուսավորչական ակցիան:
Դպրոցի ավելի քան 100 աշակերտ մասնակցել է այդ ակցիային, որը տեղի է ունեցել ինտերակտիվ դասի տեսքով:
Դասախոսության սկզբում Ռուսաստանի խաղաղապահ զորախմբի զինծառայողները դպրոցականներին պատմել են Ռուսաստանի Դաշնության ազգային մշակույթների բազմազանության և առանձնահատկությունների մասին:
Դպրոցի աշակերտներն էլ իրենց ելույթներում անդրադարձան Լեռնային Ղարաբաղի տարածքում բնակվող ժողովուրդների ազգային եւ մշակութային արժեքների խնդիրներին:
Դպրոցի երեխաները և ռուս խաղաղապահները մտքեր են փոխանակել Երկիր մոլորակի վրա խաղաղություն պահպանելու անհրաժեշտության վերաբերյալ։
Երեխաների և ռուս սպաների կողմից ստեղծված խաղաղության խորհրդանիշի գունագեղ գծանկարները ստեղծագործական հանդիպման իսկական զարդարանք դարձան:
«Մեր աշակերտները միշտ ուրախանում են, երբ ասում ենք, որ հյուրեր ենք ունենալու: Անկեղծ ասած, դուք՝ խաղաղապահներդ մեր վահանն եք, պաշտպանությունը: Եթե դուք այստեղ եք՝ ուրեմն մենք պաշտպանված ենք », - ասաց Հաթերք գյուղի միջնակարգ դպրոցի ուսումնական գործընթացի ղեկավար Նոնա Վերդյանը:
Միջոցառման ավարտին Աթերք գյուղի միջնակարգ դպրոցի պարի խումբը խաղաղապահներին ներկայացրեց Քոչարի պարը՝ ազգային տարազներով :
ՌԴ ՊՆ
