Միության անդամ կազմակերպությունները երբեք չեն խուսափել ստուգումներից եվ մեծ ջանք են ներդրել ոլորտի բիզնես թափանցիկությունն ապահովելու ուղղությամբ, ինչն ընդհանուր առմամբ հաջողվել է:

 

Միաժամանակ, միշտ պատրաստակամ ենք եղել պետության հետ համագործակցության՝ ոլորտում եղած խնդիրները լուծելու, երկուստեք արձանագրվող թերությունները ուղղելու նպատակով։

 

Հանրային սննդի ոլորտը պետությանը պատուհասած համաճարակի և աղետալի պատերազմի ընթաքում և դրանից հետո՝ ցայսօր, շարունակել է բարեխղճորեն կատարել իր պարտավորությունները:

 

Ընդգծելով նաև այն փաստը, որ ոլորտը փորձում է հաղթահարելով ճգնաժամը, որոշակի տնտեսական աշխուժություն ապահովել երկրում, առաջարկում ենք կոշտ վարչարարության փոխարեն առկա խնդիրների կամ ռիսկերի դեպքում կիրառել նախազգուշական եվ կանխարգելիչ գործողություններ, ինչը եվ կլինի պետություն-մասնավոր համագործակցության լավ օրինակ: