Ադրբեջանը դժգոհում է, որ հայերը ականապատ դաշտերի քարտեզը չեն տալիս իրենց (տեսանյութ)
Աջակցիր «Ա1+»-ինԼրագրողը հարց բարձրացրեց, թե արդյո՞ք Ռուսաստանը միջամտում է, կամ կարող է միջամտել, որ հայկական կողմը Ադրբեջանին տրամադրի ականապատ դաշտերի քարտեզները, որպեսզի զոհեր չլինեն։
Զախարովան խորհուրդ տվեց Ադրբեջանին այդ մասին խոսել Հայաստանի հետ։
Գերիների փոխանակման օպտիմալ ձևաչափը հնչում է հետևյալ կերպ՝ «բոլորը՝ բոլորի դիմաց»:
Այդ մասին ամենշաբաթյա ճեպազրույցում նշել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Ադրբեջանում գտնվող հայ ռազմագերիների մասին հարցին:
«Կողմերի դիրքորոշումները գերիների հարցի մոտեցմանը տարբեր են: Մենք մշտապես խոսում ենք դրա մասին: Բավականին զգալի է այդ տվյալների տարբերությունը. թվերը, որոնք ներկայացնում է պաշտոնական Երևանը, պարբերաբար փոխվում են, Բաքվից այլ տեղեկություն է ստացվում: Այսպիսի տարաձայնությունների պարագայում խորհուրդ ենք տալիս անմիջականորեն դիմել հայկական և ադրբեջանական կողմերին: Այսօրվա դրությամբ՝ ռուս խաղաղապահների միջնորդությամբ, ընդհանուր առմամբ, 79 մարդ է վերադարձվել՝ 63-ը հայկական կողմի ներկայացուցիչներ, 16-ն՝ ադրբեջանական»,- նշել է Զախարովան:
Նա ևս մեկ անգամ հաստատել է Ռուսաստանի դիրքորոշումն այս հարցում: «Մենք առաջնորդվում ենք այն մոտեցմամբ, որ փոխանակման օպտիմալ ձևաչափը հնչում է հետևյալ կերպ. «բոլորը՝ բոլորի դիմաց»: Կարծում ենք, որ տվյալ հարցի շուտափույթ լուծումը կողմերին թույլ կտա շրջել ողբերգական էջերը հարաբերություններում և կենտրոնանալ դրական օրակարգի առաջխաղացման վրա, այդ թվում՝ տնտեսական ոլորտում:
Այդ մասին քննարկումներ հունվարի 11-ին Մոսկվայում անցկացրել են Հայաստանի, Ադրբեջանի և Ռուսաստանի ղեկավարները»,- ասել է ՌԴ ԱԳՆ ներկայացուցիչը: