Ովքե՞ր են մասնակցում Նիկոլ Փաշինյանի հանրահավաքին (տեսանյութ)
Աջակցիր «Ա1+»-ինՀանրապետության հրապարակում Նիկոլ Փաշինյանի հրավիրած հանրահավաքից առաջ «Ա1+»-ի տեսախցիկը շրջեց հրապարակում, զրուցեց քաղաքացիների հետ՝ հասկանալու՝ ովքեր և որտեղից են եկել մասնակցելու հանրահավաքին։
«Ա1+»-ի հետ զրուցած բոլոր քաղաքացիները պնդեցին՝ եկել են սատարելու Նիկոլ Փաշինյանին սեփական կամքով, որևէ մեկը չի հորդորել մասնակցել հանրահավաքին և երթին։
«Մեր գյուղի 95 տոկոսը սատարում է Նիկոլ Փաշինյանին»,-պնդեց Գեղարքունիքի մարզի Հայրավանք գյուղից մի երիտասարդ։
Իջևանցիները հավաքված էին հրապարակի մի հատվածում, ասացին՝ եկել են մասնավոր մեքենաներով, գալու նատակը երկրին տեր կանգնելն է․
«Մեր ճանաչած ամենաազնիվ մարդն է այս շարժման մեջ»,-նշեց իջևանցի մի տղամարդ։
Հավաքվածների շարքում իջևանցիների հետ էր նաև Իջևանի քաղաքապետի պաշտոնակատար Հայկ Ղալումյանը, վերջինս պնդեց՝ բոլորը եկել են անձնական մեքենաներով, որևէ մեկին քաղաքապետարանը չի հորդորել մասնակցել հանրահավաքին։