ՌԴ-ում Հայաստանի դեսպանությունը հայտարարություն է տարածել
Աջակցիր «Ա1+»-ինԲացատրություն
Որոշ հայկական լրատվամիջոցներում տարածված տեղեկատվությունն այն մասին, թե իբր դեսպանատունը տրամադրել է առանձին պաշտոնյաների տվյալները Արցախի դեմ 44-օրյա պատերազմի ընթացքում Հայաստան մարդասիրական բեռներ ուղարկելու համար, իրականությանը չի համապատասխանում:
44-օրյա պատերազմի ընթացքում, ամեն օր, Դեսպանատունը հանդիպումներ էր ունենում հայ համայնքի բազմաթիվ ներկայացուցիչների, բարերարների և անհատ քաղաքացիների հետ, ովքեր ցանկանում են աջակցել Հայրենիքին ներկա ծանր իրավիճակում:
Նշենք, որ այս հանդիպումների շրջանակներում ներկայացվել են արդի տեղեկություններ հումանիտար օգնության կազմակերպման և այն հանրապետություն ուղարկելու հնարավորությունների վերաբերյալ: Բադալ Պարյանը նույնպես մի քանի անգամ ներկա է եղել այս հանդիպումներին: Հավելենք, որ իր տրամադրված բեռները դեսպանությունը բազմիցս ուղարկել է ՀՀ ինչպես օդային, այնպես էլ ցամաքային ճանապարհով:
Պարոն Պարյանի կողմից ԶԼՄ-ներում բարձրացված խնդրի կապակցությամբ մենք հայտարարում ենք, որ Վրաստանի տարածքով ցամաքով դիվանագիտական առաքելությամբ Հայաստան ուղարկված մարդասիրական բեռի ստացողներն էին Արտակարգ իրավիճակների նախարարությունը և Արտաքին գործերի նախարարությունը:
Հայաստան Համապատասխան փաստաթղթերը ձեւակերպվել են եւ հասեագրվել այդ նախարարություններն:
Անհրաժեշտության դեպքում, տեղեկատվական նպատակներով, դեսպանատունը պատրաստ է համապատասխան փաստաթղթեր տրամադրել ԶԼՄ-ների շահագրգիռ ներկայացուցիչներին, այդ թվում `ուղեգրերի պատճենները, ուղեգրերը և հումանիտար ապրանքների տեղափոխման հետ կապված այլ փաստաթղթեր: