Բացել լրահոսը Փակել լրահոսը
A A
Հասարակություն

Լավ գիտեն, որ պետք է կրակեն ժողովրդի վրա, որպեսզի փրկվեն. Սաղաթելյանը Քոչարյանի հայտարարության մասին (տեսանյութ)

Արաբկիր վարչական շրջանի Վահագն Դավթյան այգուց (Պրահայի այգի, Արաբկիրի թաղապետարանի դիմաց) մեկնարկել է «Հայրենիքի փրկության շարժման» անհնազանդության երթը: Երթը ընթանում է Հրաչյա Քոչար փողոցով, Բաղրամյան պողոտայով, հասնելու է Ֆրանսիայի հրապարակ, որտեղ տեղի կունենա անհնազանդության ակցիա:
 
Մեկնարկից առաջ, լրագրողների հետ զրույցում, շարժական համակարգող Իշխան Սաղաթելյանը համոզմունք հայտնեց, որ իրենց պայքարը կանգ չի առնելու։ Սաղաթելյանն անդրադարձավ նաեւ իշխանական պատգամավոր Անդրանիկ Քոչարյանի հայտարարությանը, որ եթե խոսում են շենք-շինությունների գրավելու  մասին, ապա պետք է հիշեն, որ պետությունը մոնոպոլ իրավունք ունի կրակելու։
 
Սաղաթելյանը պնդեց' սադրանքների չեն գնալու, բայց նաեւ թույլ չեն տալու որեւէ մեկը ահաբեկի ժողովրդին։ Իրենք լավ գիտեն, որ պետք է կրակեն ժողովրդի վրա, որպեսզի փրկվեն, պահեն իրենց իշխանությունը, հակառակ դեպքում՝ պատասխան են տալու ամեն ինչի համար։ Կոնկրետ տվյալ անձը՝ երկրաշարժի թալանից և մինչև այսօր իր արածների համար։ Մենք կազմակերպված ձեւով քշելու ենք այս իշխանությանը,- պնդեց Սաղաթելյանը։
 
Սաղաթելյանն անդրադարձավ նաեւ Վազգեն Մանուկյանի հայտարարությունների հիման վրա հարուցված քրեական գործին, հիշեցրեց՝ նոյեմբերի 9-ից հետո շարժման առաջնորդների վրա մի քանի քրեական գործեր են հարուցվել, այսօր էլ շարունակվում են, բայց դրանով իրենց հետ պահել չեն կարող, պնդեց Սաղաթելյանը և իշխանությանը հորդորեց մտածել այն քրեական գործերի մասին, որոնք հարուցվելու են իրենց դեմ պետական դավաճանության հոդվածով։
 
Սաղաթելյանը համոզմունք հայտնեց, թե շարժման առաջնորդներին ձերբակալելու պարագայում հավաքված քաղաքացիների թիվը կրկնապատկվելու է։