A
A
Գրոսմայստեր Հովիկ Հայրապետյանը հաղթեց իր հիմնական մրցակցին
Աջակցիր «Ա1+»-ինԵրևանում ընթացող շախմատի Անդրանիկ Մարգարյանի հուշամրցաշարում կայացան 6-րդ տուրի պարտիաները:
Մրցաշարի առաջատար Հովիկ Հայրապետյանը սևերով հաղթեց իրեն անմիջապես հետապնդող Սերգեյ Լոբանովին և էլ ավելի առաջ պոկվեց նրանից: Արցախցի գրոսմայստերն այս պահին ունի 5,5 միավոր, իսկ ռուսաստանցի միջազգային վարպետը՝ 3,5 միավոր:
Միանձյա առաջատարին այժմ հաջորդում է Ռուսաստանը ներկայացնող հայազգի շախմատիստ Ռուդիկ Մակարյանը, որն այս տուրում պարտության մատնեց մրցաշարի միակ կին մասնակից Աննա Սարգսյանին և վաստակած միավորների քանակը հասցրեց 4-ի:
Վաղը կայանալիք 7-րդ տուրում միմյանց հետ կհանդիպեն հենց երկու առաջատարները: Հովիկ Հայրապետյանը կխաղա սպիտակներով: