A
A
Բռնցքամարտի Հայաստանի հավաքականը ուսհավաք է սկսել Ծաղկաձորում
Աջակցիր «Ա1+»-ինԲռնցքամարտի Հայաստանի հավաքականը Ուկրաինայի և Մոլդովայի հավաքականների հետ համատեղ այսօրվանից երկշաբաթյա ուսումնամարզական հավաք է սկսել Ծաղկաձորի մարզաբազայում։ Այդ մասին տեղեկացնում է Բռնցքամարտի Հայկական Ազգային Ֆեդերացիայի ֆեյսբուքյան էջը:
Մարզիչ Ռաֆայել Մեհրաբյանի գլխավորությամբ համատեղ հավաքին մասնակցում է 18 հայ բռնցքամարտիկ: Այս հավաքով բռնցքամարտիկները նախապատրաստվում են առաջիկա վարկանիշային մրցաշարերին։ Հիշեցնենք, որ Հայաստանից առայժմ օլիմպիական ուղեգիր է նվաճել միայն 52 կգ քաշային Կորյուն Սողոմոնյանը։