ՌԴ ՊՆ֊ն ականազերծման աշխատանքների մասին

Ռուսաստանի պաշտպանության նախարարության Միջազգային ականազերծման կենտրոնի մասնագետները շարունակում են Արցախում սոցիալապես նշանակալի տարածքներում պայթյունավտանգ առարկաների (դպրոցներ, այգիներ, բժշկական հիմնարկներ եւ սպորտային օբյեկտներ) մաքրման եւ ականազերծման աշխատանքները: Լեռնային Ղարաբաղում ռուս խաղաղապահ ուժերի ինժեներական ստորաբաժանումներն ականազերծել են ավելի քան 414 հեկտար տարածք, շուրջ 160 կմ ճանապարհ, 617 շինություն, որից 22-ը սոցիալապես նշանակալի օբյեկտներ են:

Հայտնաբերվել եւ վնասազերծվել է շուրջ 19 հազար պայթյունավտանգ առարկա: Այն ինչ հնարավոր չի եղել էվակուացնել, ոչնչացվել է տեղում: Այս մասին հայտնում է ՌԴ ՊՆ -ն: