A
A
Անդրեասյանի օրինակով դաստիարակվել են ֆուտբոլային սերունդներ, այդ թվում հայրս. Հենրիխ Մխիթարյան
Աջակցիր «Ա1+»-ինՀայաստանի ֆուտբոլի հավաքականի ավագ Հենրիխ Մխիթարյանն իր ֆեյսբուքյան էջում ցավակցական խոսք է ուղղել «Արարատ-73» թիմի լեգենդար խաղացող Արկադի Անդրեասյանի մահվան կապակցությամբ:
«Մեծ վշտով տեղեկացա լեգենդար հայ ֆուտբոլիստ Արկադի Անդրեասյանի մահվան մասին:
Արկադի Անդրեասյանը անգնահատելի մեծ ներդրում է ունեցել հայկական ֆուտբոլի զարգացման և միջազգային ճանաչման գործում, նրա օրինակով դաստիարակվել են ֆուտբոլային սերունդներ, ում թվին էր դասվում նաև հայրս:
Ցավակցում եմ Արկադի Անդրեասյանի ընտանիքին, հարազատներին, ընկերներին և ողջ ֆուտբոլային հանրությանը և ցավով կիսում եմ իրենց վիշտը», - նշված է ֆուտբոլիստի գրառման մեջ:
Հիշեցնենք, որ «Արարատ-73» թիմի լեգենդար ֆուտբոլիստ Արկադի Անդրեասյանը մահացել է անցած գիշերը՝ սրտի հետ կապված խնդրի պատճառով:
