«Միլանն» ու «Ինտերը» կպարզեն Իտալիայի ձմեռային չեմպիոնին
Աջակցիր «Ա1+»-ինԱյսօր երկու խաղով կմեկնարկի Իտալիայի ֆուտբոլի Ա սերիայի 14-րդ տուրը:
Նախ վերջին տողում գտնվող «Կրոտոնեն» կհյուրընկալի 15-րդ հորիզոնականում գտնվող «Պարմային», ապա երկրի չեմպիոն «Յուվենթուսը» սեփական դաշտում քննության կենթարկի 16-րդ տեղում ընթացող «Ֆիորենտինային»:
Տուրի կենտրոնական խաղերը կկայանան վաղը, երբ իրենց խաղերը կանցկացնեն մրցաշարի առաջատարներ «Միլանն» ու «Ինտերը»: Նրանց առայժմ բաժանում է մեկ միավոր (31-30): «Միլանը» հաղթելու դեպքում կդառնա առաջնության ձմեռային հատվածի չեմպիոն, իսկ ահա ոչ-ոքու դեպքում նման շանս կստանա «Ինտերը»:
Հռոմի «Ռոման», որի կազմում հանդես է գալիս Հայաստանի հավաքականի ավագ Հենրիխ Մխիթարյանը, դեկտեմբերի 23-ին սեփական դաշտում կհանդիպի «Կալյարիի» հետ: Հռոմեական ակումբը 24 միավորով զբաղեցնում է 4-րդ տեղը և առայժմ երեք միավորով ետ է մնում «Յուվենթուսից»:
Այս տուրի յուրահատկությունն այն է, որ առաջին 7 տեղերը գրավող թիմերը հանդիպելու են ցածր հորիզոնականներ զբաղեցնող թիմերի հետ:
22 դեկտեմբերի
21:30 «Կրոտոնե» - «Պարմա»
23:45 «Յուվենթուս» - «Ֆիորենտինա»
23 դեկտեմբերի
21:30 «Վերոնա» - «Ինտեր»
23:45 «Միլան» - «Լացիո»
23:45 «Ռոմա» - «Կալյարի»
23:45 «Բոլոնյա» - «Ատալանտա»
23:45 «Նապոլի» - «Տորինո»
23:45 «Սամպդորիա» - «Սասուոլո»
23:45 «Սպեցիա» - «Ջենոա»
23:45 «Ուդինեզե» - «Բենևենտո» «»
