Հայաստանի սամբիստները կմեկնեն Մոսկվա

Հայաստանի սամբիստները կմասնակցեն դեկտեմբերի 18 -19-ը Մոսկվայում կայանալիք սամբոյի աշխարհի գավաթի խաղարկությանը։ 

Ինչպես հայտնել է Հայաստանի սամբոյի նախագահ նախագահ Միքայել Հայրապետյանը, Մոսկվա կմեկնեն 10 սամբիստ, մասնավորապես՝ աշխարհի, Եվրոպայի չեմպիոններ և մրցանակակիրներ Տիգրան Կիրակոսյանը, Դավիթ Գրիգորյանը, Գրիգոր Մխիթարյանը։ Հավաքականի գլխավոր մարզիչն է Վովիկ Խոջոյանը։

Ինչպես տեղեկացնում են մրցաշարի կազմակերպիչները, կորոնավիրուսի պատճառով մրցամարտերը կանցնեն առանց հանդիսականների։ Գավաթի խաղարկությանը մասնակցելու ցանկություն են հայտնել 17 երկրների 400 սամբիստ։ Կխաղարկվեն 27 կոմպլեկտ մեդալներ։