Ցուցարարի ոտքը կոտրեցին. լարված իրավիճակ՝ Մյասնիկյան պողոտայում. Aravot.am  (տեսանյութ)

Մյասնիկյան պողոտայում քաղաքացիները Նիկոլ Փաշինյանի հրաժարականի պահանջով անհնազանդության գործողություններ էին իրականացնում. փակել էին պողոտան, գրում է Aravot.am-ը:

Քիչ առաջ մի մեքենա, որի ապակիները մգեցված էին, որի վարորդը ցանկանում էր անցնել պողոտայով, սակայն անհնազանդության ցույցի պատճառով չէր կարողանում՝ մեքենան վարեց ուղիղ ցուցարարի վրա՝ վրաերթի ենթարկելով և կոտրելով նրա ոտքը: Այնուհետև քշեց, հեռացավ: Ցուցարարի ոտքը կոտրվեց: Երբ ցուցարարները գոչեցին՝ ոտքը կոտրեց, ոտքը կոտրեց, կողքին կանգնած մի կին ասաց. «Լավ արեց»:

Ցուցարարները մեքենաներից մեկով ոտքը կոտրված քաղաքացուն տեղափոխեցին հիվանդանոց:

Աղբյուր՝ Aravot.am