ԵԱՀԿ Մինսկի խմբի համանախագահ երկրների պատվիրակությունների ղեկավարների հայտարարությունը
Աջակցիր «Ա1+»-ինՏիրանայում ԵԱՀԿ Մինսկի խմբի համանախագահ երկրների պատվիրակությունների ղեկավարներ ՝ Ռուսաստանի Դաշնության արտաքին գործերի նախարար Սերգեյ Լավրովը, ԱՄՆ պետքարտուղարի տեղակալ Սթիվեն Բիեգուն և Ֆրանսիայի եվրոպական և արտաքին գործերի նախարար Ժան-Իվ Լե Դրիանը ողջունել են Լեռնային Ղարաբաղի հակամարտության տարածքում ռազմական գործողությունների դադարեցումը։
ԵԱՀԿ Մինսկի խմբի համանախագահ երկրները Հայաստանին և Ադրբեջանին կոչ են անում շարունակել կատարել իրենց պարտավորությունները Ղարաբաղի և հարակից շրջանների հետ կապված համաձայն նոյեմբերի 9-ի հայտարարության:
Համանախագահ երկրները կարևորում են Ռուսաստանի Դաշնության կողմից Ադրբեջանի և Հայաստանի հետ համաձայնեցված միջոցառումների նշանակությունը ՝ ռազմական գործողությունների չվերսկսումը երաշխավորելու համար:
Նրանք նաև կոչ են անում ամբողջովին և արագ հեռացնել բոլոր օտարերկրյա վարձկաններին տարածաշրջանից ։
Համանախագահ երկրները հիշեցնում են Հայաստանին և Ադրբեջանին միջազգային մարդասիրական իրավունքի պահանջները կատարելու իրենց պարտավորության մասին, մասնավորապես ՝ ռազմագերիների փոխանակման և դիերի վերադարձի հետ կապված՝ ընդգծելով Լեռնային Ղարաբաղի հակամարտությունից տեղահանված մարդկանց կամավոր, անվտանգ, արժանապատիվ և կայուն վերադարձի պայմանների երաշխավորման կարևորությունը, այդ թվում՝ վերջին մարտերի բերումով բնակավայրերը լքած մարդկանց մասով։
Ընդգծվում է պատմական և կրոնական ժառանգությունը պաշտպանելու և պահպանելու անհրաժեշտությունը:
Համանախագահող երեք երկրները Ադրբեջանին և Հայաստանին կոչ են անում օգտվել հրադադարի հնարավորությունից և ԵԱՀԿ Մինսկի խմբի համանախագահների հովանու ներքո բանակցել հարատև խաղաղություն երաշխավորող պայմանագրի շուրջ:
Նրանք հորդորում են կողմերին հնարավորինս արագ տարածաշրջանում ընդունել ԵԱՀԿ Մինսկի խմբի համանախագահներին և վերահաստատել բովանդակային բանակցություններով ու համաձայնեցված ժամանակացույցով առկա հիմնահարցերը բացառապես խաղաղ եղանակով կարգավորելու ձգտումը:
Համանախագահ երկրները դիմում են միջազգային հանրությանը, այդ թվում ՝ ԿԽՄԿ-ին, ՄԱԿ-ի ինստիտուտներին և այլ համապատասխան կառույցներին, ինչպես նաև ԵԱՀԿ Մինսկի խմբի առանձին երկրներին համակարգված կերպով ձեռնարկել կոնկրետ քայլեր Լեռնային Ղարաբաղում և հարակից տարածքներում մարդասիրական իրավիճակը բարելավելու ուղղությամբ:
Համանախագահները նաև վերահաստատում են իրենց ամուր աջակցությունը ԵԱՀԿ գործող նախագահի անձնական ներկայացուցչի և նրա թիմի շարունակական աշխատանքին:
ԵԱՀԿ Մինսկի խմբի համանախագահ երկրները հիշեցնում են իրենց վճռականությունը վեճերը լուծելու՝ առանց ուժի կիրառման։
Նրանք կրկնում են իրենց հետևողական և միասնական դիրքորոշումը ՝ հօգուտ բանակցային, համապարփակ և հակամարտության մնացած հիմնական հիմնական հարցերի կայուն կարգավորման։
Համանախագահ երկրները շարունակում են լիովին հավատարիմ մնալ այդ նպատակին հետամուտ լինելուն ՝ տարածաշրջանում խաղաղության, կայունության և բարգավաճման ապահովման համար:
