Բացել լրահոսը Փակել լրահոսը
koro
A A
Պաշտոնական

«Ձեր պատասխանատու և սթափ քայլերով օգնեք գիշեր ու զօր աշխատող բուժաշխատողներին»

 Արտաշատի Բժշկական Կենտրոնի տնօրեն Հայկ Համբարձումյանը հայտարարություն է տարածել, որում նշվում է.

«Հարգելի հայյրենակիցներ, օրհասական այս օրերին, երբ մեր երկիրը պայքարում է Ադրբեջանի սանձազերծած ագրեսիայի դեմ, բոլորս մեր ուշադրությունը սևեռել ենք դեպի պատերազմական լայնածավալ գործողություները:

Այս օրերին, սակայն պակաս կարևոր չէ պայքարել մեկ այլ պատերազմում՝ կորոնավիրուսային հիվանդության դեմ։

Վերջին օրերին հիվանդության աճն ու ավելացող թվերը լուրջ մտահոգության տեղիք են տալիս՝ առողջապահական աղետալի իրավիճակի ստեղծման առումով: Այս պայմաններում բոլորս պարտավոր ենք հստակ գիտակցել, որ մեր վարքագիծն անչափ կարևոր է: Ուստի զգոնության կոչով դիմում եմ բոլորին՝ խստորեն պահպանեք հակահամաճարակային կանոնները: Ձեր պատասխանատու և սթափ քայլերով օգնեք գիշեր ու զօր աշխատող բուժաշխատողներին՝ առանց այն էլ խիստ ծանրաբեռնված առողջապահական համակարգն էլ ավելի չծանրաբեռնելու և վարակն առաջնագիծ չհասցնելու համար: Դրա համար բավական է միայն կատարել այս պարզ քայլերը՝ կրել դիմակ, հաճախակի լվանալ ձեռքերը, պահպանել սոցիալական հեռավորություն:
Բոլորս պարտավոր ենք մեր զգոն քայլով մի մասնիկը լինել միասնական և արդար պայքարի, մեր ներդրումն ունենալ հայրենիքի փրկության սրբազան գործին: Հիշեք՝ բժիշկն այս պահին առավել զինվորին է պետք: Կրեք դիմակ, փրկեք կյանքեր:

Արտաշատի բժշկական կենտրոնի տնօրեն՝
Հայկ Համբարձումյան»: