A
A
Անվճար կինոցուցադրություն` արցախցի երեխաների համար (տեսանյութ)
Աջակցիր «Ա1+»-ինՎեդիում ժամանակավորապես ապաստանած արցախցի շուրջ 30 երեխաներ «Մոսկվա» կինոթատրոնում էին։ Էկրանին Գոռ Կիրակոսյանի « Ազնիվ գողեր» կատակերգությունն է։ Երեխաները կիսվում են տպավորություններով։
Սա արցախցի երեխաների երկրորդ խումբն է, որ այցելել է կինո «Մոսկվա»՝ տնօրինության հայտարարությունից հետո։ Կինոթատրոնը հայտարարել է, որ ֆիլմերի անվճար ցուցադրություններ է սկսում նրանց համար։
Ցուցադրությունները կազմակերպվում են փոքր դահլիճում՝ պահպանելով հակահամաճարակային կանոնները։
Երեխաներին Երևան բերելու միտքը Վեդու երիտասարդներին է եղել, ովքեր պատերազմի առաջին օրերից կամավորական աշխատանք են իրականացնում իրենց քաղաքում։
Երեխաները «Մոսկվա» կինոթատրոնից հետո շտապեցին Երեւանի կենդանաբանական այգի։
