A
A
Հայաստանի ֆուտբոլի հավաքականը Տալլինում խաղից առաջ այցելել է հայկական եկեղեցի
Աջակցիր «Ա1+»-ինՀոկտեմբերի 14-ին Հայաստանի հավաքականի ֆուտբոլիստներն այցելել են Էստոնիայի մայրաքաղաք Տալլինի հայկական եկեղեցի:
Ինչպես նշում է Հայաստանի ֆուտբոլի ֆեդերացիայի մամուլի ծառայությունը, եկեղեցում նրանց դիմավորել են Տալլինի հայկական համայնքի ներկայացուցիչները, ինչպես նաև Տալլինի «Արարատ» հայկական ակումբի պատանի ֆուտբոլիստները:
Եկեղեցում մոմ վառելուց հետո ազգային հավաքականի ֆուտբոլիստները լուսանկարվել են հայկական խաչքարի մոտ: Տեղի «Արարատ» ակումբի պատանի ֆուտբոլիստները ակումբային շարֆեր են նվիրել հավաքականի ֆուտբոլիստներին:
Հիշեցնենք, որ այսօր Տալլինում տեղի կունենա ֆուտբոլի Ազգերի լիգայի 4-րդ տուրի Էստոնիա – Հայաստան հանդիպումը:
