Ուկրաինայի նախագահը ստորագրել է սպորտի զարգացման նոր օրենք
Աջակցիր «Ա1+»-ինՈւկրաինայի նախագահ Վլադիմիր Զելենսկին նոր օրենք է ստորագրել, ըստ որի որոշակի փոփոխություններ են մտցվել երկրում ֆիզիկական կուլտուրայի և սպորտի զարգացման օրենսգրքում: Այդ մասին հայտնում է նախագահի մամուլի ծառայությունը:
Օրենքն առաջարկվել էր սեպտեմբերի 17-ին, Ուկրաինայի Գերագույն Ռադայի կողմից:
«Օրենքը նախատեսում է պետական և քաղաքային գույքի վարձակալության իրավունքի տրամադրում պետական և քաղաքային մարզական ակումբներին, մանկապատանեկան մարզադպրոցներին, բարձրագույն մարզական դպրոցներին, օլիմպիական ուսումնական կենտրոններին, բարձրագույն ուսումնական հաստատությունների ուսանողական մարզական կենտրոններին, մարզա-առողջարարական հաստատություններին, հաշմանդամություն ունեցող անձանց ֆիզիկական կուլտուրայի և սպորտի կենտրոններին, ինչպես նաև օլիմպիական, պարալիմպիկ և դեօլիմպիկ խաղերի նախապատրաստման բազաներին», - նշված է մամուլի ծառայության հաղորդագրության մեջ:
Օրենքը ուժի մեջ կմտնի նախագահի ստորագրությունից մեկ ամիս հետո:
