Բելառուսում ձերբակալել են 32 ռուս զինյալների, որոնք ժամանել էին ընտրությունների առիթով (տեսանյութ)
Աջակցիր «Ա1+»-ինՄինսկի մոտակայքում՝ առողջարաններից մեկում լուսաբացին ձերբակալված արտասահմանցի 32 զինյալները ռուսական «Վագների խումբ» մասնավոր ռազմական միավորման անդամներ են: Ըստ «Բելտա» լրատվական գործակալության՝ իշխանությունները տեղեկություններ էին ստացել ավելի քան 200 զինյալի` Բելառուս ժամանելու մասին, նրանք ժամանել էին ընտրական շրջանում իրավիճակն ապակայունացնելու համար։ Օգոստոսի 9-ին Բելառուսում նախագահական ընտրություններ են։
«Բելտա»-ն հրապարակել է նաեւ զինյալների անունները։ Մանրամասներն այստեղ
Հիշեցնենք, որ «Վագների խումբ»-ը ձևավորվել է դեռևս է 2013 թվականին: Ըստ տարբեր աղբյուրների՝ ընկերության ռազմական ստորաբաժանումներն ակտիվորեն ներգրավված են Ուկրաինայի, Վրաստանի ու Սիրիայի հակամարտություններում: Չնայած պաշտոնական Մոսկվան հերքում է պետության որևէ առնչությունը խմբի հետ, սակայն, մամուլը գրում է, որ գործում է պետական մարմինների հովանու ներքո:
