Տոկիոյի օլիմպիական խաղերի կազմակերպիչները մտադիր են կրճատել մասնակիցների թիվը
Աջակցիր «Ա1+»-ինՄիջազգային օլիմպիական կոմիտեի գործադիր կոմիտեի հերթական հեռահար նիստից հետո Տոկիոյի օլիմպիական խաղերի կազմկոմիտեն հայտարարել է, որ խաղերի ժամանակ առաջին հերթին ուշադրություն է դարձվելու մասնակիցների անվտանգության վրա:
Ինչպես նշում է ճապոնական Kyodo գործակալությունը, խաղերի կազմակերպիչները ցանկանում են կրճատել մասնակիցների թիվը, դրա հետ միասին նաև ֆինանսական ծախսերը: Խոսքը չի վերաբերում մարզիկ-մարզուհիների քանակին, պարզապես խաղերի ժամանակ կրճատելու են մնացած միջոցառումները, ինչպես նաև սահմանափակելու են հանդիսականների քանակը, այդ թվում բացման և փակման արարողության ժամանակ:
Հիշեցնենք, որ կորոնավիրուսի պանդեմիայի պատճառով 2020թ Տոկիոյի օլիմպիական խաղերը մեկ տարով հետաձագվել են: ՄՕԿ-ի նախագահ Թոմաս Բախը հայտարարել է, որ խաղերը ընդհանրապես կչեղարկվեն, եթե չհաջողվի անցկացնել այն 2021 թվականի ամռանը:
