Ճանապարհային ոստիկանությանը կփոխարինի պարեկային ծառայությունը. փոխնախարար
Աջակցիր «Ա1+»-ինԱզգային ժողովի հերթական քառօրյայում քննարկվում է «Ոստիկանության մասին» օրենքում փոփոխություններ կատարելու հարցը:
Նախագիծը բխում է ոստիկանական համակարգում բարեփոխումների արդեն հաստատված ռազմավարությունից:
Արդարադատության փոխնախարար, նախագծի հիմնական զեկուցող, Քրիստինե Գրիգորյանը շեշտեց, որ այս նախագիծը ենթադրում է պարեկային ծառայության ստեղծում:
Այս ծառայությունը փոխարինելու է պարեկապահակետային ծառայությանը և ճանապարհային ոստիկանությանը:
Գրիգորյանը նշեց, որ փաթեթով սահմանվում է, թե ինչպես են նոր կազմավորվող պարեկային ոստիկանությունում ծառայության անցնելու քաղաքացիները, ինչպես նաեւ ոստիկանության այլ ստորաբաժանումների ծառայողների` պարեկային ոստիկանության ծառայողի պաշտոնում նշանակվելու պահանջները:
Այս ծառայության արդյունավետությունն ապահովելու համար ստեղծվելու է օպերատիվ կառավարման կենտրոն, որը ապահովելու է ոստիկանության արտաքին ուժերի կառավարման գործառույթներ, քաղաքացիների զանգերի սպասարկման և այլ գործառույթներ:
