A
A
Բորիս Ջոնսոնը ամեն գնով ցանկանում է անցկացնել «Ֆորմուլա 1»-ի բրիտանական փուլը
Աջակցիր «Ա1+»-ինՄեծ Բիրտանիայի վարչապետ Բորիս Ջոնսոնը հայտնել է, որ «Ֆորմուլա 1» աշխարհի առաջնության բրիտանական փուլի անցկացման համար խնդիր չի լինի և կկայանա ժամանակին: Այն նախատեսված է հուլիսի 26-ից մինչև օգոստոսի 2-ը:
Բորիս Ջոնսոնը նախարարությունների գրասենյակին հանձնարարել է «Ֆորմուլա 1»-ի մասնակիցների համար բացառություն անել և ազատել կարանտինից, որը այժմ գործում է երկրում. Մեծ Բրիտանիա ժամանող յուրաքանչյուր մարդ մեկուսացվում և նվազագույնը երկշաբաթյա կարանտին է անցնում:
Նշվում է, որ եթե Մեծ Բրիտանիան հրաժարվի մրցավազքից, ապա այն հնարավոր է ընդունի գերմանական Հոկենհայմրինգը:
Հավելենք, որ «Ֆորմուլա 1»-ի ղեկավարությունն արդեն չեղարկել է երեք փուլ, իսկ յոթը հետաձգել: Այս տարվա առաջին մրցափուլը նախատեսված է հունիսի 5-ին, Ավստրիայում:
