Բացել լրահոսը Փակել լրահոսը
A A
Տեսանյութեր Քաղաքականություն

Վառ երևակայություն է պետք հասկանալու՝ ոնց է սովորական դիմակի գինը հասնում 220 դրամի. ԱԺ նախագահ (տեսանյութ)

 ԱԺ-ում «Հայաստանի Հանրապետության տնտեսական մրցակցության պաշտպանության պետական ​​հանձնաժողովի 2019 թվականի գործունեության մասին» զեկույցի վերաբերյալ լսումներ են ընթանում։

Լսումների ընթացքում մի քանի անգամ անդրադարձ եղավ դիմակների գներին։

Դրանց գների վերաբերյալ մտահոգություն հայտնեց նաև ԱԺ նախագահ Արարատ Միրզոյանը: Պնդեց՝ վառ երևակայություն է պետք՝ հասկանալու համար, թե ոնց է սովորական դիմակի գինը հասնում 220 դրամի: Ի պատասխան Միրզոյանի դիտարկումների՝ ՏՄՊՊՀ ղեկավար Գեղամ Գեւորգյանը մանրամասնեց.

«Եթե դեկտեմբերին Չինաստանից ներմուծված մեկանգամյա օգտագործման եռաշերտ դիմակի գինը եղել է 13 դրամ, ապա ապրիլ-մայիսին՝ 116 դրամ»։ Ինչ վերաբերում է Հայաստանում արտադրված դիմակներին, ասում է՝ ինքնարժեքը երբ որ հաշվում ենք, պարզվում է՝ էլի ներկրված պարագաների գինը թանկացել է։

«Աշխարհում եղել է մեծ ծավալի պահանջարկ, եւ դիմակների դեֆիցիտ է առաջացել»,-նշեց նա հավելելով, որ մյուս երկրների ձեռբքերման գները, ևս բարձրացել են։

Գևորգյանը պարզաբանեց՝ օրինակ, 110-120 դրամանոց դիմակը վերջնական սպառողին հասել է մինչեւ 220 դրամով, ընդ որում՝ հարկերը ներառյալ, եւ եթե հարկերը հանում ենք, տնտեսվարողների համար մոտավորապես 45-50 դրամ շահույթի մասին է խոսքը: