Լևոն Արոնյանը ոչ-ոքի ավարտեց վերջին երկու պարտիաները
Աջակցիր «Ա1+»-ինLindores Abbey Rapid Challenge անվանումը կրող արագ շախմատի առցանց մրցաշարում ավարտվեց մրցումային 2-րդ օրը:
Հայաստանի շախմատիստ Լևոն Արոնյանը դարձյալ 50 տոկոսանոց արդյունք ցույց տվեց՝ չորս հնարավորից վաստակելով 2 միավոր: Նա 5-րդ տուրում պարտվեց առաջատար Հիկարու Նակամուրային, ապա հաղթեց չինացի Յանջի Յուին, իսկ հետո ոչ-ոքի ավարտեց Յի Վեի և Յան-Կշիշտոֆ Դուդայի հետ պարտիաները:
Ութ տուրից հետո Լևոն Արոնյանը վաստակած 4 միավորով կիսում է 4-8-րդ տեղերը: Աղյուսակը գլխավորում են Հիկարու Նակամուրան ու Սերգեյ Կարյակինը, ովքեր ունեն 5,5-ական միավոր:
Վաղը կկայանան կանոնավոր մրցաշարի վերջին երեք տուրերը: Մեր շախմատիստի մրցակիցները կլինեն ամերիկացի Վեսլի Սոն, ռուսաստանցիներ Սերգեյ Կարյակինն ու Դանիլ Դուբովը:
Հիշեցնենք, որ մրցակարգով վերջին չորս տեղերը գրաված շախմատիստները կավարտեն ելույթները, իսկ առաջին ութ տեղերը գրավածները կմտնեն փլեյ-օֆֆ և կշարունակեն գլխավոր մրցանակի համար պայքարը: