Կորոնավիրուսը չի ազդի ֆուտբոլիստների հետագա կարիերայի վրա. «Ուրարտուի» բժիշկ
Աջակցիր «Ա1+»-ինԵրևանի «Ուրարտու» ֆուտբոլային թիմի բժշկական բաժնի ղեկավար Միխայիլ Վարդապետովը համաձայն չէ Կազանի «Ռուբինի» գլխավոր մարզիչ Լեոնիդ Սլուցկու այն կարծիքի հետ, որ կորոնավիրուսով վարակված ֆուտբոլիստի հետագա կարիերան կարող է հարցականի տակ լինել:
«Հայտնի է, որ ֆուտբոլիստների դիմադրողականությունը ընկնում է ծանրաբեռնված մարզումների պատճառով: Սակայն դա մեծ վտանգ չի իրենից ներկայացնում, երբ գործ ունենք վարակների՝ սովորական գրիպի կամ կորոնավիրուսի հետ: Ֆուտբոլիստի մոտ դրանք նախանշանները հայտնվելու դեպքում պարզապես պետք է նրան ազատել մարզումներից, թողնել տանը: Հեռախոսակապով բժիշկները կարող են հետևել նրա առողջական վիճակին:
Ասում են, որ կորոնավիրուսը թոքաբորբ է առաջացնում, ինչի պատճառով ֆուտբոլիստը կարող է կորցնել իր դիմացկունությունն ու արագությունը: Ես համաձայն չեմ նման կարծիքի հետ: Կորոնավիրուսն այնքան էլ վտանգավոր վարակ չէ, որքան էլ ցանկանանք այն այդպիսին ներկայացնել: Պարզապես պետք է ձեռնարկել բոլոր նախազգուշական միջոցառումները, ինչպես դա արվում են գրիպի ժամանակ», - «Սպորտ Էքսպրես» թերթին տված հարցազրույցի ժամանակ ասել է հայազգի բժիշկը:
