Առանց հանդիսականների խաղալը կվնասի ֆուտբոլին. Արսեն Վենգեր
Աջակցիր «Ա1+»-ինՖուտբոլի միջազգային ֆեդերացիայի զարգացման բաժնի ղեկավար, Լոնդոնի «Արսենալի» նախկին գլխավոր մարզիչ Արսեն Վենգերը, կիսվել է իր տպավորությունների մասին, որ ստացել է Գերմանիայի Բունդեսլիգայի վերսկսումից:
«Առանց հանդիսականների խաղերը կվնասեն ֆուտբոլին: Ես դրանում համոզված եմ: Նման որոշում կարելի է ընդունել, եթե այն կարճատև է, իսկ երկարատև ծրագրերի դեպքում դա սխալ կլինի: Սակայն, դա միակ տարբերակն է ներկայիս պայմաններում մրցաշրջանն ավարտելու համար:
Մենք արգելել ենք երկրպագուներին ներկա լինել խաղերին, այժմ մարզադաշտում միայն ֆուտբոլիստներն են, ինչը դատարկության զգացում է ստեղծում: Սակայն ուրախալին այն է, որ թիմերը շատ նվիրված են խաղում», - ասել է ֆրանսիացի մասնագետը:
Հիշեցնենք, որ կորոնավիրուսի պատճառով ֆուտբոլում առաջացած դադարից հետո Գերմանիան առաջինն են վերսկսել առաջնությունը, սակայն ի տարբերություն Բելառուսի առաջնության, որտեղ խաղերն անցկացնում են հանդիսակններով, այստեղ դրանք առայժմ տեղի կունենան փակ դռների ետևում:
