«Ընձառյուծի առկայությունը կարևոր է նաև սննդային շղթաների տեսակետից»
Աջակցիր «Ա1+»-ինՇրջակա միջավայրի նախկին նախագահ Էրիկ Գրիգորյանը Ֆեյսբուքի իր էջում գրում է․
«Մի քանի օր առաջ ֆոտոխցիկները հերթական անգամ կովկասյան ընձառյուծ են նկարել Զանգեզուր կենսոլորտային համալիրում:
Ընձառյուծի առկայությունը կարևոր է նաև սննդային շղթաների տեսակետից, որոնք բավական բարդ են: Դրանցից շատերը հատվում են և առաջացնում խճճված սննդային շղթաներ, որոնցով փոխկապված են բոլոր կենդանիները և բույսերը:
Ապօրինի անտառհատումների, որսագողության, բնադրավայրերի կորստի և այլ մարդածին ազդեցությունների հետևանքով սննդային շղթաներում առաջանում են խզումներ, որոնք ազդում է բոլոր կենդանիների և բույսերի վրա:
Եվս մեկ անգամ շեշտեմ՝ ընձառյուծը սննդային շղթայի գագաթն է և վերջինիս առկայությունը խոսում է ամբողջ էկոհամակարգի հավասարակշռության, վերականգնման և կայուն սննդային շղթաների առկայության մասին»: