Հայկական պատմության և մշակույթի հետագիծը՝ Վաշինգտոնում․ լուսանկարներ
Աջակցիր «Ա1+»-ինՀայաստանում ԱՄՆ դեսպանությունից ներկայացնում են՝ հայկական պատմության և մշակույթի հետագիծը ԱՄՆ մայրաքաղաք Վաշինգտոնում․
«Թեպետ Վաշինգտոնի ազգային տաճարը պատկանում է Վաշինգտոնի Անգլիկան եկեղեցուն, բայց այն աղոթատեղի է բոլորի համար։ Այս համազգային աղոթատան հիմնարկեքը, որի գաղափարը պատկանում է ԱՄՆ հիմնադիր հայրերին, տեղի է ունեցել 1907թ․ սեպտեմբերի 29-ին։ Տաճարը Մոնթ Սենթ Oլբենի գագաթից վեհաշուք հայացքով հետևում է մայրաքաղաքին։ Այս հսկա գոթական համալիրի վերջին քարը դրվեց 1990թ․։ Այն աչքի է ընկնում իր բարձրարվեստ վիտրաժներով, տարբեր պատմաճարտարապետական ոճերի աղոթարաններով, վեհաշուք քանդակներով, բրոնզե դարպասներով, դրվագված ջրհորդաններով։ Այստեղ են ամփոփված մի շարք հայտնի ամերիկացիների աճյուններ։
Այս տաճարն առանձնահատուկ նշանակություն ունի հայերի համար։ Մեր հաջորդ հրապարակման մեջ կներկայացնենք հայկական պատմամշակութային տարրերը, որ տեղ են գտել այս ուշագրավ ճարտարապետական համալիրում։
Տաճարի մասին հավելյալ տեղեկությունների և վիրտուալ շրջայցի համար այցելեք https://cathedral.org/ կայքը։
Մտահղացումը և լուսանկարները՝ Լևոն Ավդոյանի»։
