A
A
Մագնուս Կառլսենը հաղթեց շախմատի առցանց սուպերմրցաշարում
Աջակցիր «Ա1+»-ինԱռաջին անգամ կայացած արագ շախմատի առցանց սուպերմրցաշարում հաղթեց աշխարհի չեպիոն Մագնուս Կառլսենը:
Ամերիկացի Հիկարու Նակամուրահի հետ այսօր կայացած եզրափակիչ մրցամարտում նորվեգացի շախմատիստը սպիտակ խաղաքարերով հաղթանակ տարավ, իսկ սևերով մեկ ոչ-ոքի խաղաց: Այդպիսով, գրանցվեց 2,5:1,5 հաշիվ:
Մագնուս Կառլսենն այդ հաղթանակի համար կստանա 70 հազար դոլար պարգևավճար, իսկ Հիկարու Նակամուրան՝ 45 հազար: Կիսաեզրափակիչում պարտություն կրած Դին Լիժենն ու Ֆաբիանո Կարուանան պարգևատրվել են 30 հազարական դոլարով:
Հիշեցնենք, որ արագ շախմատի առցանց անդրանիկ սուպերմրցաշարին մասնակցեցին 8 շախմատիստ: Շրջանաձև մրցակարգից հետո չորս անհաջողակները դուրս մնացին, իսկ առաջին չորս տեղերը գրաված շախմատիստները նոկաուտ մրցակարգով վիճարկեցին հաղթողի կոչումը:
