Ալեն Սիմոնյանը բարևել է Արթուր Դանիելյանին, ինչին ի պատասխան վերջինս հայհոյել է ԱԺ փոխխոսնակին (տեսանյութ)
Աջակցիր «Ա1+»-ինԱզգային ժողովի փոխխոսնակ Ալեն Սիմոնյանը ֆեյսբուքյան ուղիղ եթերում մանրամասներ է ներկայացնում այսօր իր մասնակցությամբ տեղի ունեցած միջադեպից։ Ըստ Ալեն Սիմոնյանի՝ իր տան հարևանությամբ գտնվող այգում ընկերոջ հետ քայլելիս տեսել են 3 հոգու, որոնցից մեկը «Ադեկվադ» կուսակցության անդամ Արթուր Դանիելյանն է եղել։ ԱԺ նախագահի խոսքով՝ Դանիելյանը բավականին երկար նայել է իրեն, և ինքը բարևել է նրան, ինչին ի պատասխան Արթուր Դանիելյանը հայհոյել է նրան։
«Ես մոտեցա նրան, ու ասացի, որ նույն կարծիքն ունեմ իր մասին և գլխով հարվածեցի իր քթին»,- պատմեց ԱԺ փոխխոսնակը, հավելելով, որ ինքը գիտակցում է իր պաշտոնյա լինելը, բայց դա չի նշանակում, որ ինչ-որ մեկը կարող է իրեն նման ձև դրսևորել։
Այնուհետև ըստ Ալեն Սիմոնյանի՝ երեքով փորձել են իրեն քաշքշել, հարվածել և ծեծկռտուք է սկսվել։
«Անցնող մարդիկ սկսեցին բղավել, կանգնեցնել, և այդ երիտասարդները շտապեցին հեռանալ այդտեղից»,- պատմեց նա։
Մանրամասները՝ տեսանյութում։
