Առանց հապաղելու համաձայնեցի տեղափոխվել «Տոբոլ». Արման Հովհաննիսյան
Աջակցիր «Ա1+»-ինՀայաստանի ֆուտբոլի հավաքականի պաշտպան Արման Հովհաննիսյանը հարցազրույց է տվել իր նոր ակումբի՝ ղազախական «Տոբոլի» պաշտոնական կայքին: Նա պատմել է իր տեղափոխության, նոր թիմի, նպատակների մասին:
«Ղազախստան գալուց առաջ ես գիտեի, որ այստեղ լավ են խաղում լավ ֆուտբոլիստները` թե արտասահմանյան, թե տեղական: Նա գիտեր, որ լիգայում կան շատ կազմակերպված և լավ թիմեր: Ես տեսել եմ Ղազախստանի ազգային հավաքականի և տեղական առաջնության շատ խաղեր:
Երբ իմ գործակալն ասաց «Տոբոլի» հետաքրքրվածության մասին, ես արդեն լավ տեղեկացված էի ակումբի մասին Պետրոս Ավետիսյանի միջոցով: Հասկացա, որ այստեղ ամեն ինչ բարձր մակարդակի վրա է, ուստի համաձայնեցի առանց վարանելու:
Կարելի է ասել, որ հարմարվելու հետ կապված խնդիրներ չեմ ունեցել: Դրանում մեղավորը մեր թիմն է, որտեղ ընկերական և ջերմ մթնոլորտ է տիրում բառիս բուն իմաստով: Ինձ դուր է գալիս նաև քաղաքը՝ Կոստանայը, որը բավական կոմպակտ է, իսկ մարդին շատ բարի կամեցող են:
Առաջնությունից տպավորություններս նույնպես դրական են: Թիմերը հավասարազոր են, խաղերը անցնում են դիտարժան պայքարում: Ցանկանում եմ «Տոբոլի» հետ հաղթել յուրաքանչյուր խաղում և ուրախացնել երկրպագուներին: Մեր թիմն ունի ամեն ինչ դրա համար:
Այժմ ամբողջ աշխարհը կանգնած է գլոբալ խնդրի առաջ, առաջնությունը դադարեցված է: Փորձում եմ հնարավորինս պահպանել մարզավիճակս: Պարապում եմ անհատական ծրագրով, որը տվել է ակումբը: Շատ կարդում եմ, ֆիլմեր դիտում: Սակայն, ցանկանում եմ, որ ֆուտբոլը հնարավորինս շուտ վերադառնա մեր կյանք», - ասել է մեր ֆուտբոլիստը:
Նշենք, որ Արման Հովհաննիսյանն այս տարի է համալրել «Տոբոլի» կազմը: Մինչ այդ նա հանդես էր եկել «Փյունիկում», «Ալաշկերտում», «Շիրակում», «Արարատ-Արմենիայում», «Գանձասար-Կապանում» և Կրոպիվնիցկիի «Զվեզդայում» (Ուկրաինա): 2019 թվականից Հայաստանի հավաքականի անդամ է:
