«Հարգելիներս, կառանծյա պահեք, որովհետեւ գիտնականները հայտնաբերել են, որ բարի մարդկանց էլ է կորոնավիրուսը կպնում»․ Հայկ Մարության (տեսանյութ)
Աջակցիր «Ա1+»-ինԵրեւանի քաղաքապետ Հայկ Մարությանը ակնհայտ զայրացած էր։ Նա ուղիղ եթեր էր մտել Սանմաքրման եւ աղբահանության հիմնարկի նոր տարածքից՝ նորոգումից հետո։ Քաղաքապետը տեղեկացրել է, որ այս օրերին աղբահանությունը իրականացվում է օրուգիշեր, թեեւ կա կորոնավիրուսով վարակվելու վտանգ։
Հայկ Մարությանը անդրադարձել է համացանցում քննադատություններին, թե ուր է քաղաքապետը, ինչու չի օգնում , օրինակ՝ տարեցներին։ «Առնվազն տականքություն է քաղաքական դիվիդենտներ հավաքել տարեցների հաշվին»,-ասել է նա։
Ըստ նրա՝ ուղիղ եթեր մտնելով չի,որ երեւում է ՝ ով ինչպես է աշխատում։ «Ուղիղ եթեր չեմ մտնելու, սա իմ աշխատելու ոճն է»,-ասել է նա։
Քաղաքապետը վստահեցրել է, որ օգնել են միայնակ տարեցներին այնքան պարենով,որ մի ամիս տնից դուրս չգան։ Ընդ որում՝ նա այդ արել է ոչ միայն որպես քաղաքապետ, այլ որպես անհատ՝ իր ընկերների հետ։
« Հարգելիներս, եթե ոչինչ չեք անում գնացեք, կառանծյա պահեք, որովհետեւ գիտնականները հայտնաբերել են՝ բարի մարդկանց էլ է կորոնավիրուսը կպնում։ Այդ կառանծյան ձեզ կփրկի» ,- հայտարարել է Հայկ Մարությանը՝ քաղաքացիներին էլ խնդրելով՝ չհավատալ բամբասանքներին։
Հիշեցնենք, որ Երեւանի քաղաքապետին այսօր քննադատել էր ԲՀԿ-ական Նաիրա Զոհրաբյանը, իսկ «բարի մարդկանց կորոնավիրուսը չի կպնում» արտահայտությունը արել էր Գագիկ Ծառուկյանը։
