«Նորք» ինֆեկցիոն հիվանդանոցում այսօր արձանագրվել է երրորդ մահվան դեպքը
Աջակցիր «Ա1+»-ին«Նորք» ինֆեկցիոն կլինիկական հիվանդանոցում արձանագրվել է մահվան դեպք։
76-ամյա պացիենտն ունեցել է կորոնավիրուսային հիվանդություն, հաստատված երկկողմանի պոլիսեգմենտար թոքաբորբ։
Բացի այդ, կինն ունեցել է ուղեկցող խրոնիկ հիվանդություններ, այդ թվում՝ շաքարային դիաբետ, զարկերակային հիպերտոնիա։
Հիշեցնենք, որ այսօր ավելի վաղ, կորոնավիրուսային հիվանդությունից մահացել էին 78-ամյա եւ 68-ամյա պացիենտներ։ Մահվան դեպքերի թիվը դարձավ 7։
Ապրիլի 2-ի, ժամը 11:00-ի դրությամբ հաստատվել էր կորոնավիրուսային հիվանդության 663 դեպք, որոնցից 33-ն` առողջացած: Փաստացի բուժում է ստանում 626 պացիենտ: Բացասական արդյունք է արձանագրվել 2940 թեստավորման դեպքում:
Նշենք, որ այս ժամի դրությամբ աշխարհում կա արդեն նոր կորանավիրուսային հիվանդության 1 007 417 հաստատված դեպք, արձանագրվել է 51 710 մահ, ապաքինվել է 210577 հոգի։ Ըստ worldometers կայքի՝ Հայաստանում հաստատված դեպքերով 30 պացիենտի վիճակը կրիտիկական է։