A
A
Իտալիայում կորոնավիրուսով վարակվածների թիվը հասել է 17-ի (տեսանյութ)
Աջակցիր «Ա1+»-ինԻտալիայի հյուսիսում գտնվող Կոդոնիո քաղաքը ուրվականների քաղաք է հիշեցնում. դատարկ փողոցներ, փակ դպրոցներ, բազմաթիվ խանութներից գործում է միայն մեկը՝ հացաբուլկեղենի, ինչպես նաև մեկ դեղատուն: Բնակիչներին համառորեն խորհուրդ են տալիս մնալ տանը ։
Այս մասին տեղեկանում ենք Եվրանյուզից։
Շաբաթ օրը Կոդոնյոյում մահացել է տարեց մի կին, որը դարձել է COVID-19-ի երկրորդ զոհը։ Կորոնավիրուսն այստեղ տարածվել է 38-ամյա մի տղամարդուց։
«Ես մի քիչ վախենում եմ, դա ճիշտ է, մենք բոլորս կարող ենք վարակվել ։ Ես աշխատում եմ ռեստորանում, անընդհատ շփվում եմ մարդկանց հետ, Դա իսկապես վտանգավոր է» ։
«Մենք բոլորս վախեցած ենք, բայց հույս ունենք, որ ամեն ինչ լավ կլինի։ Վատ զգալու դեպքում պետք է անմիջապես գնալ բժշկի, քանի որ բուժումը հնարավոր է», — ասում են Կոդոնյոյի բնակիչները ։
Ըստ աղբյուրի՝ Իտալիայում վարակակիրների թիվը հասել է 17-ի։
Իտալիայի իշխանությունները լուրջ սահմանափակող միջոցներ են սահմանում, որպեսզի թույլ չտան վիրուսի հետագա տարածումը.Կոդոնյոյից, ինչպես նաեւ երկրի հյուսիսում գտնվող մի քանի այլ քաղաքներից դուրս գալու համար կարող է քրեական պատիժ սպառնալ:
Իտալիայի վարչապետ Ջուզեպպե Կոնտեն ասում է․
«Էպիկենտրոն համարվող շրջաններում մուտքն ու ելքը կիրականացվի միայն հատուկ կարգադրություններով»:
Մեծ Բրիտանիայում այդ ընթացքում ստուգում են անցնում Diamond Princess օդանավի նախկին ուղեւորները։ Երեք տասնյակ բրիտանացիներ եւ Եվրոպայի մի քանի այլ երկրների քաղաքացիներ նախօրեին ժամանել են Ճապոնիայից:
Այնտեղ վիրուսի հետքեր նրանց մոտ չեն գտել։ Բայց բժիշկները ցանկանում են եւս մեկ անգամ ստուգել. համաճարակաբանները կասկածում են, որ կորոնավիրուսը դեռեւս չբացահայտված մեթոդներ ունի տարածման համար:
Չինաստանում կրկին հիվանդացածների թվի աճ է գրանցվել ՝ կիրակի առավոտյան հաստատված 648 դեպք ՝ շաբաթ օրը ավելի քիչ, քան 400 դեպք։ Երկրում վարակվածների ընդհանուր թիվը հասնում է 77 հազարի, որոնցից ավելի քան 2400-ը մահացել են ։
