Բացել լրահոսը Փակել լրահոսը
A A

Գյուղական խնդիրներ

Մարզեր

Շիրակի մարզի Արդենիս գյուղը արտաքին աշխարհին կապող միակ բարեկարգ ճանապարհը տարվա ընթացքում վեց ամիս փակ է:

Սակայն սա արդենիսցիների միակ հոգսը չէ. գյուղում չլուծված են գազաֆիկացման, զբաղվածության, տրանսպորտի եւ մի շարք այլ խնդիրներ:

Արդենիս գյուղում նախկինում բնակվել են ադրբեջանցիներ: Արցախյան գոյամարտի տարիներին նրանք լքել են բնակավայրը եւ այնտեղ հաստատվել են Ջավախքի՝ Գանձա եւ Արթիկի՝ Լեռնակերտ գյուղերից գաղթած հայերը:

Արդեն երկար տարիներ էլ 27 տնտեսությունից բաղկացած համայնքը փորձում է բնականոն կյանք վարել, սակայն դա ոչ բոլոր հարցերում է հաջողվում:

Խնդիրներից մեկն էլ կիսախարխուլ վիճակում գտնվող դպրոցի շենքն է: Արդենիսցիների խոսքերով` իրենք հարմարվող մարդիկ են եւ փորձում են ինքնուրույն գտնել յուրաքանչյուր խնդրի լուծումը:

Ուստի շատ հաճախ չեն դիմում իշխանություններին, քանզի համոզված են, որ իրենց դիմումներն անպատասխան են մնալու:

Չնայած Շիրակի մարզի քաղաքաշինության բաժնից տեղեկացանք, որ Արդենիսի դպրոցի շենքն ըստ կառավարության որոշման հիմնովին կվերանորոգվի 2012-13 թվականների ընթացքում:

Գյումրիի «Ցայգ» ՀԸ