Չկարողացաք դրսևորել քաղաքական հասունություն․ Գորգիսյանը՝ «Իմ քայլի» պատգամավորին (տեսանյութ)
Աջակցիր «Ա1+»-ին Արդար ընտրություններում 3 խմբակցություններն էլ ստացել են ժողովրդի
քվեն, բայց կարծում եմ, որ քաղաքական մեծամասնությունը երբեմն մոռանում
է, որ ԱԺ-ում 3 խմբակցություն կա։ Այս մասին ԱԺ ամբիոնից հայտարարեց
«Լուսավոր Հայաստան» խմբակցության պատգամավոր Գևորգ Գորգիսյանը՝
անդրադառնալով այսօր ԱԺ-ում Էդմոն Մարուքյանի և «Իմ քայլի» միջև տեղի
ունեցած միջադեպին։
«Այստեղ պիտի լինեն տարակարծություններ, բանավեճեր, սա է
քաղաքականությունը։ Քաղաքականապես հասուն լինելու վկայությունը
ընդդիմադիրների խոսքը լսել կարողանալն է և կոռեկտության սահմաններից
դուրս չգալը այս խոսքը լսելիս»,- նշեց Գևորգ Գորգիսյանը։
Ըստ Գորգիսյանի՝ «Իմ քայլի» անդամները «մսխում են իրենց խորհրդարան բերող
անձի քաղաքական ռեսուրսները»։
«Այ հենց Դուք, որ հիմա ծիծաղում եք, չկարողացաք դրսևորել քաղաքական
հասունություն և հավուր պատշաճի գալ քաղաքական երկխոսության դաշտ»․-
ընդգծեց նա։
Մանրամասները՝ տեսանյութում։