Հեռուստատեսային շուկայում որոշակի մենաշնորհային դիրք ունենք․Նիկոլ Փաշինյան (տեսանյութ)
Աջակցիր «Ա1+»-ինԿառավարության այսօվա նիստում որոշում կայացվեց գումար հատկացնել ՀՀ հեռուստառադիոընկերության խորհրդին՝ միջազգային աուդիտ իրականացնելու համար։ Աուդիտն իրականցնելու է ՀՀ-ում հեռուստաչափումներ իրականցնող «ԱԴՄՈՍՖԵՐ Արմենիա» ընկերությունը՝ մատուցվող ծառայությունը գնահատելու համար։
Հարցը զեկուցեց Բարձր տեխնոլոգիական արդյունաբերության նախարար Հակոբ Արշակյանը։
Վերջինս նշեց, որ աուդիտի անհրաժեշտությունը պայմանավորված է հեռուստաշուկայի համար ընկերության մատուցած ծառայության որոշիչ դերով ։
Կառավարության պահուստային ֆոնդից առաջին եռամսյակի համար հատկացվեց 26․6 մլն դրամ։
Արշակյանը նշեց, որ Հանրային հեռուստառադիոընկերությունը դիմել է միջազգային աուդիտի համար ամենացածր գին առաջարկող ընկերությանը։
Ֆինանսների նախարար Ատոմ Ջանջուղազյանը հարց բարձրացրեց գործընթացի թափանցիկության և որակի վերաբերյալ։
Վարչապետն էլ ընդգծեց, որ Հայաստանում մենաշնորհային երևույթների հետ կապված պետք է ունենանք հստակ պատասխաններ, բացի այդ՝ պետք է բարձրացնենք հանրային կյանքի կարևոր ինստիտուտների թափանցիկությունը։
«Խոսքը վերաբերում է հեռուստատեսային շուկային, որտեղ մենք ունենք որոշակի մենաշնորհային դիրք։ ՀՀ-ում ստեղծվել են երկու կառույցներ, այդ երկու կառույցներից մեկը բաշխում է Հայաստանում հեռուստատեսային գովազդի շուկայում գոյացած գումարը, իսկ մյուս ընկերությունը չափում է վարկանիշները, և այդ գովազդային գումարները բաշխում են ըստ արձանագրված վարկանիշերի»։
Վարչապետն ասում է , որ մեր երկրում կա ինֆորմացիոն հոսքերը վերահսկելու գործառույթ, այն «գտնվում է Հանրապետության նախին ղեկավարության հետ կապված անձանց վերահսկողության ներքո, և մենք պետք է այս ուղղությամբ շարունակենք աշխատանքը»։
