Բացել լրահոսը Փակել լրահոսը
A A
Սպորտ

Tata Steel India․ Լևոն Արոնյանը գրավեց վերջին տեղը, սակայն մտավ եզրափակիչ փուլ

Շախմատի Հայաստանի հավաքականի առաջատար Լևոն Արոնյանն անհաջող հանդես եկավ Հնդկաստանի Կալկաթա քաղաքում անցկացված Tata Steel Chess India Rapid & Blitz արագ և կայծակնային շախմատի մրցաշարում, որը Grand Chess Tour-ի փուլերից է:

Արագ շախմատի 9 տուրերի և կայծակնային շախմատի 18 պարտիաների արդյունքում հայ գրոսմայստերը վաստակեց 13 միավոր և գրավեց վերջին՝ 10-րդ տեղը: Մրցաշարի հաղթող դարձավ աշխարհի գործող չեմպիոն Մագնուս Կառլսենը, որն իր անվան դիմաց գրանցեց 27 միավոր:

Լևոն Արոնյանը չնայած ձախողվեց Հնդկաստանում, սակայն Grand Chess Tour-ի բոլոր մրցաշարերի ընդհանուր հաշվարկով զբաղեցրեց 3-րդ տեղը և մտավ եզրափակիչ փուլ, որը կկայանա Լոնդոնում, դեկտեմբերի 2-8-ը։ Անգլիայի մայրաքաղաքում մեր շախմատիստի մրցակիցները կլինեն Մագնուս Կառլսենը, չինացի Դին Լիժենը և ֆրանսիացի Մաքսին Վաշյե-Լագրավը:


Russian