Հայաստանի Մ-19 հավաքականն այսօր առաջին քննությունը կհանձնի Թուրքիայում
Աջակցիր «Ա1+»-ինՀայաստանի մինչև 19 տարեկան ֆուտբոլիստների հավաքականն այսօր կանցկացնի առաջին հանդիպումը 2020թ Եվրոպայի պատանեկան առաջնության որակավորման 1-ին փուլի շրջանակում:
Մեր պատանի ֆուտբոլիստները Անթալիայի «Արսլան Զեկի Դեմիրչի» սպորտային համալիրի մարզադաշտում կհանդիպեն դաշտի տերերի՝ Թուրքիայի իրենց հասակակիցների հետ: Խաղը կմեկնարկի Երևանի ժամանակով ժամը 17:00-ին:
Հայաստանի Մ-19 հավաքականը Թուրքիա է մեկնել նոյեմբերի 11-ին: Գլխավոր մարզիչ Ռաֆայել Նազարյանը, որը միաժամանակ ԲԿՄԱ-ի գլխավոր մարզիչն է, թիմ է հրավիրել 20 ֆուտբոլիստ՝ 14-ը ԲԿՄԱ-ից, 3-ը՝ «Արարատ-Արմենիայից», մեկական՝ «Ուրարտու-2»-ից, «Փյունիկ-2»-ից և գերմանական «Համբուրգից»:
Հայաստանի Մ-19 հավաքականն այս տարի անցկացրել է երեք պաշտոնական հանդիպում, որոնցում խոշոր հաշվով պարտություններ է կրել՝ Իսպանիայի (1:4), Պորտուգալիայի (0:4) և Իտալիայի (0:4) թիմերից: Մեր մրցակիցն այս տարի անցկացրած 4 խաղերում տարել է մեկ հաղթանակ, մեկ հանդիպում ավարտել է ոչ-ոքի, իսկ երկուսում պարտություն է կրել:
Բուքմեյքերներն այսօրվա հանդիպման ֆավորիտ են համարում դաշտի տերերին, որոնց հաղթանակը գնահատել են 1,15 գործակցով: Իսկ ահա Հայաստանի Մ-19 հավաքականի հաղթանակի հնարավորությունը 10 անգամ քիչ է:
Թուրքիայի հավաքականից բացի մեր թիմի մրցակիցները կլինեն նաև Բուլղարիայի և Չեռնոգորիայի Մ-19 ընտրանիները: Նշենք, որ խմբում առաջին երկու տեղերը գրաված թիմերն անմիջապես մտնում են Եվրոպայի առաջնության էլիտ փուլ:
Հայաստանի Մ-19 հավաքականի կազմը.
Դարպասապահներ
Արման Ներսիսյան - ԲԿՄԱ
Հարություն Մելքոնյան - ԲԿՄԱ
Պաշտպաններ
Կարեն Մուրադյան - ԲԿՄԱ
Արման Ղազարյան - ԲԿՄԱ
Ստեփան Սահրադյան – «Արարատ-Արմենիա»
Արտակ Ասատրյան - ԲԿՄԱ
Արսեն Գալստյան – «Արարատ-Արմենիա»
Ռադիկ Սարգսյան - ԲԿՄԱ
Վոլոդյա Սամսոնյան - ԲԿՄԱ
Պետրոս Մանուկյան – ԲԿՄԱ
Կիսապաշտպաններ
Սերգեյ Մկրտչյան - ԲԿՄԱ
Նարեկ Աղասարյան - ԲԿՄԱ
Միքայել Միրզոյան - ԲԿՄԱ
Ժիրայր Շաղոյան - ԲԿՄԱ
Նարեկ Գրիգորյան - ԲԿՄԱ
Նարեկ Ալավերդյան – «Արարատ-Արմենիա»
Երջանիկ Ղուբասարյան - «Համբուրգ» (Գերմանիա)
Հարձակվողներ
Արամ Քոլոզյան - ԲԿՄԱ
Գևորգ Տարախչյան - «Ուրարտու-2»
Գրենիկ Պետրոսյան – «Փյունիկ-2»
Հայաստանի Մ-19 հավաքականի խաղացանկը.
13.11.19 Թուրքիա – Հայաստան 17:00
16.11.19 Բուլղարիա – Հայաստան 14:00
19.11.19 Հայաստան – Չեռնոգորիա 16:00