Հայաստանի հավաքականի ֆուտբոլիստ Էրիկ Վարդանյանը որակազրկվեց 6 ամսով
Աջակցիր «Ա1+»-ինՀայաստանի ֆուտբոլի ֆեդերացիայի կարգապահական կոմիտեն այսօր քննարկել է Հայաստանի բարձրագույն խմբի «Արարատ» - «Փյունիկ» խաղին հյուրերի ֆուտբոլիստ Էրիկ Վարդանյանի հեռացման հարցը։ Այդ մասին հայտնում է Հայաստանի ֆուտբոլի ֆեդերացիայի մամուլի ծառայությունը։
ՀՖՖ կարգապահական և Էթիկայի կանոնակարգի համաձայն Հայաստանի հավաքականի կիսապաշտպանը մրցավարին հայհոյելու և հրելու, մարզադաշտը լքելիս հանդերձարան տանող ճանապարհին դռանը հարվածելու և կոտրելու, անվայել վարքագծի ու ոչ մարզական պահվածքի համար որակազրկվել է 6 ամսով՝ մինչև 2020 թվականի ապրիլի 30-ը։ Դա նշանակում է, որ էրիկ Վարդանյանը բաց կթողնի Հայաստանի ընթացիկ առաջնությունը։
«Փյունիկ» ֆուտբոլային ակումբը տուգանվել է 600 հազար դրամով։
Հիշեցնենք, որ Հայաստանի առաջնության 12-րդ տուրի «Արարատ» - «Փյունիկ» խաղի 68-րդ րոպեին Էրիկ Վարդանյանը մրցակցին հարվածելու համար կարմիր քարտ էր ստացել և հեռացվել խաղադաշտից։
