Շատ ճիշտ են անում, որ քրեական գործ են հարուցում նրա դեմ․ Արշակ Սադոյանը՝ Հրայր Թովմասյանի մասին (տեսանյութ)
Աջակցիր «Ա1+»-ինՇատ ճիշտ են անում, որ քրեական գործ են հարուցում նրա դեմ, որովհետև այնքան էր շտապում ՍԴ նախագահ դառնալ, որ նույնիսկ պատգամավորական մանդատից չհրաժարվեց»,- ԱԺԴ նախագահ Արշակ Սադոյանը լրագրողների հետ զրույցում այսպես արձագանքեց պատգամավոր Արման Բաբաջանյանի դիմումի հիման վրա ՀՔԾ-ում հարուցված իշխանությունը յուրացնելու առերևույթ հանցագործության դեպքի առթիվ քրեական գործին։
«Հայաստանի դատական համակարգը ծայրից ծայր խայտառակություն է, պատկերացրեք այսպես ասած՝ խելոք իրավաբաններ, որոնք թքած ունեն ժողովրդի շահերի վրա, կամաց-կամաց այնպիսի իրավիճակ են ստեղծել, որ Հայաստանի այսպես կոչված՝ անկախ դատական համակարգը իրականում դառել է մի խումբ դատավորների կլանային գործունեության օբյեկտ»,- ասաց պարոն Սադոյանը։
ԱԺԴ նախագահը հույս ունի, որ ի վերջո դատական իշխանությունը կվայելի հանրության վստահությունը։ Արշակ Սադոյանի գնահատմամբ՝ Ազգային անվտանգության ծառայության աշխատակիցների այցելությունը Հրայր Թովմասյանի հոր տուն հանցագործություն չէ։ «Իրավունք չունե՞ն հարցեր տալու»,- ասաց նա։
Հիշեցնենք, որ հոկտեմբերի 17-ին Արման Բաբաջանյանի հաղորդման հիման վրա, ըստ որի՝ Հրայր Թովմասյանը յուրացրել է Սահմանադրական դատարանի նախագահի պաշտոնը՝ հանցավոր սխեմաներ կիրառելով, ՀՔԾ-ում քրեական գործ է հարուցվել իշխանությունը յուրացնելու առերևույթ հանցագործության դեպքի առթիվ։
