Բացել լրահոսը Փակել լրահոսը
A A
Հասարակություն

ChainPoint 19 միջազգային կոնֆերանսը կանցկացվի Հայաստանում

Ցանկանու՞մ եք առաջինն իմանալ, թե ինչպիսին է լինելու ապագան և լսելու ամենահամարձակ կանխատեսումները հենց այն մարդկանցից, ովքեր ձևավորում են այն: Բաց մի՛ թողեք Nooor բլոկչեյնի ասոցիացիայի կողմից կազմակերպված ChainPoint 19 ամենամյա միջազգային կոնֆերանսը, որը կանցկացվի ս.թ. հոկտեմբերի 14-ին և 15-ին Դվին հյուրանոցի սրահում։  

ChainPoint-ը ոլորտի ամենաազդեցիկ միջազգային միջոցառումներից է, որն այս տարի կընդունի ավելի քան 500 մասնակից և 50 խոսնակ 30-ից ավելի երկրներից: Կոնֆերանսը նպատակ ունի համաշխարհային բիզնես համայնքին ներկայացնելու Հայաստանի տեխնոլոգիական էկոհամակարգի ներուժը։ 

Խոսնակների շարքում են ՀՀ Էկոնոմիկայի նախարար Տիգրան Խաչատրյանը, Հոնգ Կոնգի Ֆինտեխ ասոցիացիայի նախագահ և PwC-ում կրիպտո և ֆինտեխ ուղղությունների համաշխարհային առաջնորդ Հենրի Արսլանյանը և շատ այլ փորձագետներ:

Երկօրյա ծրագրի շրջանակներում կքննարկվեն առանձին երկրների թվային տնտեսությունների զարգացման օրակարգերը, վերջին զարգացումները ոլորտում, ինչպես նաև հեռանկարները։ Մասնակիցների շարքում կլինեն բարձրաստիճան հյուրեր, ոլորտի ճանաչված փորձագետներ, նորարարներ, իրավաբաններ, ներդրողներ ու ներդրումային հաստատություններ, ինչպես նաև հարակից ոլորտների ներկայացուցիչներ։

Պանելային քննարկումներին և պրեզենտացիաներին զուգահեռ կանցկացվի CP19 Startup Battle-ը. 12 ըտրված ստարտափ տարբեր երկրներից կպայքարեն մրցանակային ֆոնդի համար: InnMind, aeternity Ventures, CVVC labs, Smartgate.VC կազմակերպությունների աջակցությամբ ստարտափները կստանան լայն հնարավորություններ, որը ճանապարհ կբացի ներդրումային ռաունդի համար:

Խոսելու են նաև Nooor բլոկչեյնի հայկական ասոցիացիայի կողմից ներկայացված կրիպտոակտիվների կարգավորման օրենսդրության մասին, որը եզակի հնարավորություններ է ընձեռելու թե՛ տեղական շուկայի ներկայացուցիչների, թե՛ միջազգային շուկայի խաղացողների համար։